Ushqimet shiten në hapësira përplot me pluhur e baltë (VIDEO)
06.9.2020 - 20:33
Pjesa e shitjes me shumicë përgjatë drejtimit në Fushë Kosovës është në kushte të papërshtatshme.
Kjo pasi që qindra prodhues vendor detyrohen të ekspozojnë prodhimet në pluhur, baltë e afër mbeturinave.
Tregtarët ankohen për mos pastrim që një kohë të gjatë, pjesë kjo që gjendet nën administrimin e Agjencisë Kosovare të Privatizimit.
“Vi nga komuna e Malishevës për më shit prodhimet tona, është problem shumë me punu këtu. Është shumë pluhur i madh, bërrllok. Nuk e di kush i mbikëqyr këto sene. Na hyrjen e paguajmë sa herë të vijmë”, thotë njëri tregtar për RTV21.
Edhe tregtarë të tjerë që vinë nga komuna të tjera të vendit, ankohen se nuk është e shëndetëshme që produktet të ekspozohen në një ambient të tillë.