UP emëron anëtarë në Këshillin Botues dhe atë të Ankesave
14.10.2019 - 14:13
Senati i Universitetit të Prishtinës sot ka votuar një anëtare të re në Këshillin Botues
Mrika Kotori u emërua një zëri në këtë mbledhje dhe pa asnjë diskutim.
Emërimi i Kotorit erdhi pasi që një anëtar i deritanishëm në këtë këshill është pensionuar.
Në po këtë mbledhje, senati ka emëruar Florent Muqajn si anëtar të Komisionit për Ankesa dhe Parashtresa të Senatit.
Muqaj u përkrah njëzëri nga senatorët dhe nuk pati ndonjë diskutim.
Emërimi i tij erdhi pasi që anëtari i deritanishëm ka dhënë dorëheqje dhe që është pjesë e Këshillit Drejtues të UP-së.
Mbledhja e senatit po vazhdon me pika të tjera.