Tre të plagosur në Pejë, i dyshuari në arrati
02:00
Tre persona kanë mbetur të plagosur me armë zjarri në një incident që ka ndodhur të enjten në mbrëmje, më 22.05.2024, në Pejë.
Për shkak të plagëve, të plagosurit janë dërguar nga Spitali rajonal i Pejës në QKUK në Prishtinë.
Mjeku i Klinikës Emergjente në QKUK, Ejup Govori, ka thënë se gjendja e pacientëve është e rëndë dhe njëri prej tyre ka plagë në qafë dhe në gjoks.
Lidhur me rastin, Policia Rajonale e Pejës po kërkon ndihmën e qytetarëve për të lokalizuar vendin ku është i dyshuari për këtë ngjarje të rëndë.
Sipas Policisë, i dyshuari është Agron (Mentor) Gashi, i lindur më 2002.
Agron Gashi sipas Policisë dyshohet për veprën penale – vrasje e rëndë në tentativë.
Policia kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar të lajmërojë Policinë e Kosovës apo të lajmërohet në stacionin më të afërt policor.
Numrat e telefonit dhe adresat elektronike kontaktuese për të kontaktuar Policinë e Kosovës: 192 dhe 080019999 (pa pagesë), 039 432 327-Drejtoria Rajonale Pejë ose e-mail: [email protected]
Policia ka publikuar edhe fotografinë dhe shënimet e tjera të të dyshuarit bazuar në ligj dhe me autorizim të Prokurorisë së Pejës.
23:38
QKUK: Gjendja e të plagosurve në Pejë është e rëndë
Tre personat që u plagosën sonte me armë zjarri në Pejë tashmë kanë mbërritur në QKUK.
Doktori i Emergjencës në QKUK, Ejup Govori, ka njoftuar se gjendja e të plagosurve, sipas ekzaminimit fillestar, është e rëndë dhe se po vazhdon trajtimi i tyre.
Tre persona janë plagosur sonte, më 22.05.2024, rreth orës 21:25 në Pejë.
Të plagosurit fillimisht janë dërguar në Emergjencën e Spitalit Rajonal të Pejës.
Por, për shkak të gjendjes së tyre, ata janë nisur për në QKUK.
Kështu tha për KALLXO.com doktori i Emergjencës së Spitalit të Pejës, Besnik Ibraj.
Ai tregoi se tre të plagosurit i kanë pranuar pas orës 22:00.
“Pas orës 22:00 i kemi pranu tre të plagosur me armë zjarri, rezulton që të tre janë familjarë. Njëri ka qenë në gjendje të rëndë shëndetësore me plagë në regjionin e qafës dhe gjoksit. Është dërguar për në QKUK” – tha dr. Ibraj.
“Po ashtu edhe i dyti ka pasur plagë në të dy këmbët dhe bark dhe është dërguar për QKUK. I treti ka pasur plagë në regjionin e barkut. Të tre pra janë dërguar në QKUK, njëri në gjendje të rëndë shëndetësore” – ka theksuar mjeku Besnik Ibraj.
Lidhur me rastin, Prokuroria dhe Policia në Pejë kanë njoftuar se i dyshuari ende është në arrati dhe se rasti po trajtohet si tentim vrasje e rëndë.
23:06
Tre të plagosurit në Pejë dërgohen në QKUK, njëri në gjendje të rëndë – ka plagë në qafë dhe gjoks
Tre persona janë plagosur sonte, më 22.05.2024, rreth orës 21:25 në Pejë.
Të plagosurit fillimisht janë dërguar në Emergjencën e Spitalit Rajonal të Pejës.
Por, për shkak të gjendjes së tyre, ata janë nisur për në QKUK.
Kështu tha për KALLXO.com doktori i Emergjencës së Spitalit të Pejës, Besnik Ibraj.
Ai tregoi se tre të plagosurit i kanë pranuar pas orës 22:00.
“Pas orës 22:00 i kemi pranu tre të plagosur me armë zjarri, rezulton që të tre janë familjarë. Njëri ka qenë në gjendje të rëndë shëndetësore me plagë në regjionin e qafës dhe gjoksit. Është dërguar për në QKUK” – tha dr. Ibraj.
“Po ashtu edhe i dyti ka pasur plagë në të dy këmbët dhe bark dhe është dërguar për QKUK. I treti ka pasur plagë në regjionin e barkut. Të tre pra janë dërguar në QKUK, njëri në gjendje të rëndë shëndetësore” – ka theksuar mjeku Besnik Ibraj.
Lidhur me rastin, Prokuroria dhe Policia në Pejë kanë njoftuar se i dyshuari ende është në arrati dhe se rasti po trajtohet si tentim vrasje e rëndë.
22:48
Njëri nga të plagosurit në Pejë dërgohet në QKUK
Tre persona janë plagosur me armë zjarri në një incident që ka ndodhur sonte me 22.05.2024 në Pejë.
Njëri nga ta është dërguar për trajtim në Qendrën Klinike Universitare të Kosovës në Prishtinë, ndërsa dy nga të lënduarit po trajtohen në Spitalin Rajonal të Pejës.
Lajmin për KALLXO.com e ka konfirmuar zëdhënësi i Policisë për rajonin e Pejës, Fadil Gashi.
“Rreth orës 21:25 minuta në rrugën “Bekim Berisha – Abeja” në Pejë ka pasur të shtëna me armë zjarri, me ç’rast tre persona janë lënduar. Janë dërgu në Emergjencë të spitalit rajonal, një prej të lënduarve është nisur për në QKUK. Në vend të ngjarjes janë njësitë kompetente për të kuptuar për rrethanat se si ka ardhur deri te aksidenti”- ka thënë ai.
Tre persona, të cilët dyshohet se janë familjarë mes vete, janë plagosur nga një person i dyshuar, për të cilin Policia po punon që ta identifikojë dhe lokalizojë.
Ai dyshohet se pasi kreu plagosjen është larguar nga vendi i ngjarjes.
KALLXO.com mëson se ngjarja ndodhi në Pejë ndërsa për rastin ka kontaktuar edhe me Prokurorinë e Pejës.
Prokurori Ersan Qavolli në një bisedë përmes telefonit ka konfirmuar rastin për KALLXO,com deri sa shtoi se është në vendin e ngjarjes së bashku me ekipet e Policisë.
“Dyshohet që janë tre persona të plagosur, i dyshuari është në arrati dhe jemi duke punuar për ta identifikuar të dyshuarin dhe për ta lokalizuar dhe arrestuar sa më shpejt. Jemi duke punuar intensivisht në rast”- tha Qavolli për KALLXO.com.
Deri më tani rasti po cilësohet si tentim vrasje e rëndë.
22:32
Tre të plagosur në Pejë, i dyshuari në arrati
Tre persona, të cilët dyshohet se janë familjarë mes vete, janë plagosur nga një person i dyshuar, për të cilin Policia po punon që ta identifikojë dhe lokalizojë.
Ai dyshohet se pasi kreu plagosjen është larguar nga vendi i ngjarjes.
KALLXO.com mëson se ngjarja ndodhi në Pejë ndërsa për rastin ka kontaktuar edhe me Prokurorinë e Pejës.
Prokurori Ersan Qavolli në një bisedë përmes telefonit ka konfirmuar rastin për KALLXO,com deri sa shtoi se është në vendin e ngjarjes së bashku me ekipet e Policisë.
“Dyshohet që janë tre persona të plagosur, i dyshuari është në arrati dhe jemi duke punuar për ta identifikuar të dyshuarin dhe për ta lokalizuar dhe arrestuar sa më shpejt. Jemi duke punuar intensivisht në rast”- tha Qavolli për KALLXO.com.
Deri më tani rasti po cilësohet si tentim vrasje e rëndë.
