Thaçi takohet me Zëvendëssekretarin Amerikan të Mbrojtjes, flasin për Ushtrinë e Kosovës
26.2.2020 - 20:19
Presidenti i Kosovës, Hashim Thaçi, gjatë ditës së sotme është takuar me Zëvendëssekretarin e Mbrojtjes së ShBA, David Norquist, në Washington.
Në këtë takim Thaçi është shprehur i kënaqur me mbështetjen e ShBA-së për themelimin e Ushtrisë së Kosovës.
“Kosova e ka ushtrinë e vet, profesionale dhe me standarde të NATO-s, që është e gatshme të përfshihet në misionet humanitare e paqeruajtëse në botë, krah për krah me Shtetet e Bashkuara të Amerikës”, ka thënë Thaçi.
Ndërsa zëvendëssekretari Norquist ka thënë se është vitale për sigurinë në Europën Juglindore që Kosova të jetë sa më shpejt anëtare e NATO-s.