![](https://kallxo.com/wp-content/uploads/2024/06/447555556_760684509562587_290971211284501422_n-720x480.jpg)
Foto: Shërbimi Spitalor Klinik e Universitar i Kosovës (ShSKUK)
ShSKUK hap vende të reja pune për infermierë e laborantë
Shërbimi Spitalor dhe Klinik Universitar i Kosovës (ShSKUK) ka shpallur konkurs për infermierë më datë 07.06.2024.
Konkursi është hapur për kandidatët e interesuar për në QKUK, gjithashtu edhe në spitalet e përgjithshme në Pejë, Prizren, Gjakovë, Gjilan, Ferizaj e Mitrovicë.
Infermierë, laborantë, teknikë të farmacisë e të radiologjisë kërkohen nga Qendra Klinike dhe Universitare e Kosovës.
Në Spitalin e Përgjithshëm në Mitrovicë gjithashtu dhe në Ferizaj kërkohen infermierë të Përgjithshëm me nivelin bachelor, infermierë të përgjithshëm të cilët kanë të përfunduar shkollën e mesme, laborantë mjëkësor po ashtu me shkollë të mesme dhe fizioterapeut me nivel bachelor.
Krahas këtyre në Gjilan kërkohen edhe pozita të tjera si infermiere mami e taknik të radiologjisë.
ShSKUK njofton se për të gjitha pozitat kohëzgjatja e marrëdhënies së punës themelohet për një periudhë të pacaktuar.
Kriteret e veçanta për aplikim janë shkollimi i mesëm, drejtimi: infermieri e Përgjithshme, fizioterapi, radiologji, mami, etj., licensë e punës profesionale e vlefshme, e lëshuar nga odat përkatëse shëndetësore si dhe kërkohet njohuri për të punuar me kompjuter dhe mjete softueri.
Dorëzimi i aplikacioneve mund të bëhet nga data 07.06.2024 deri me datë 07.07.2024.