QKUK Emergjenca
QKUK jep detaje për gjendjen e punëtorëve të lënduar
Pesë punëtorë kanë pësuar lëndime gjatë kohës sa kanë qenë duke punuar në ndërtesën 44 katëshe në rrugën “Robert Doll”, në Prishtinë.
Për gjendjen e punëtorëve, KALLXO.com ka kontaktuar me mjekun kujdestar, Sinan Musliu.
“Gjendja e punëtorëve është stabile, pas kontrolleve të nevojshme, të njëjtit janë liruar”, ka thënë Musliu.
KALLXO.com më herët raportoi për lëndimin e pesë punëtorëve në ndërtesën 44 katëshe në Prishtinë.
Këtë e ka konfirmuar për KALLXO.com, zëdhënësja e policisë në rajonin e Prishtinës, Florie Ahmeti.
“Rasti ka ndodhur rreth orës 10:00, ku kemi pranuar informatën se në rrugën “Robert Doll”, Prishtinë derisa kanë qenë duke punuar në një ndërtesë, janë lënduar persë persona”, ka thënë Ahmeti.
Ajo ka shtuar se të lënduarit janë dërguar për tretman mjekësor, ndërsa me rastin po merren njësitet policore në koordinim me institucionet përkatëse.
