Mbledhja e Qeverisë së Kosovës 24.01.2024, Foto: Egzon Dahsyla/ KALLXO.com
Qeveria emëron komision ad-hoc për përzgjedhjen e drejtorit të Agjencisë së Shoqërisë së Informacionit
21.6.2024 - 21:43
Qeveria e Kosovës e ka emëruar Komisionin ad-hoc për Vlerësimin Profesional për Pranim për Pozitën e Lartë të Kategorisë Drejtuese të Drejtorit të Përgjithshëm të Agjencisë së Shoqërisë së Informacionit.
Vendimi u mor më 21.06.2024 përmes një mbledhjeje elektronike, njoftoi Zyra e Kryeministrit.
Qeveria e bëri të ditur përbërjen e këtij komisioni.
Kryesues do të jetë Naim Gashi, Drejtor i Përgjithshëm i Agjencisë së Kosovës për Akreditim. Ndërsa anëtarët janë Naim Bardiqi; sekretar i Përgjithshëm në Ministrinë e Shëndetësisë, Venera Çerkini; sekretare e Përgjithshme në Ministrinë e Bujqësisë, Ahmet Gashi; u.d. i Udhëheqësit të Njësisë për Menaxhimin e Burimeve Njerëzore në MPB dhe Besnik Aliu; ekspert i jashtëm.