Protestohet në Mitrovicë të Veriut, thonë se pati 'keqtrajtime' nga Policia e Kosovës

13:19 – Policia i mohon akuzat e protestuesve serbë se ‘u keqtrajtuan’ në stacion policor

Pretendimet e protestueve serbë se Policia e Kosovës i ka keqtrajtuar të miturit të cilët u arrestuan pasi që dyshoheshin se kanë sulmuar disa të rinj shqiptarë, i ka hedhur poshtë shefi i operativës rajonale në Mitrovicë të Veriut, Petrit Fejza.

“Jo. Ne themi jo. Janë kamerat në të gjitha anët”- the Fejza për KALLXO.com.

Ai shtoi se protesta kaloi e qetë dhe pa incidente.

“Ata kanë shprehur pakënaqësitë e tyre”- shtoi ndër të tjera Fejza.

12:30 – Përfundon protesta e qytetarëve serbë

Ka përfunduar protesta e qytetarëve serbë që u mblodhën sot për të marshuar rrugëve të Mitrovicës së Veriut në shenjë revolte me pretendimin se të rinjt serbë që u arrestuan  pas një përleshje me disa të tjerë shqiptarë, u keqtrajtuan nga Policia e Kosovës.

Marshi filloi nga stacioni policor në Mitrovicë të Veriut drejt sheshit ‘Car Llazar’ e përfundoi te Ura e Ibrit.

12:10 – Pamje nga protesta e qytetarëve serbë

11:50 – ” Pse spo na ndihmoni?” –  qytetarët serbë marshojnë drejt ‘Urës së Ibrit’

Me flamuj serb duke iu fishkëllyer e brohoritur zyrtarët policorë, protestuesit serb vazhdojnë marshimin në drejtim të Urës së Ibrit.

“Pse spo na ndihmoni”- ishin me të cilën qytetarët serbët i drejtoheshin zyrtarit të KFOR-it, ndërsa ky i fundit përgjigjej se “ne bashkëpunojmë me Policinë e Kosoves dhe interesi ynë i përbashkët është që të ruajmë paqen”.

11:38 – Qytetarë serbë protestojnë në Mitrovicë të Veriut 

Disa qytetarë serbë janë mbledhur në qytetin e Mitrovicëss së Veriut në shenjë proteste me pretendimin se u keqtrajtuan disa të rinj nga Policia e Kosovës kur u arrestuan pas një përleshje me të rinj shqiptarë.

Protestuesit po marshojnë nga Stacioni policor në Mitrovicën e Veriut drejt sheshi “Car Llazar”.

Siç raporton gazetarja e KALLXO.com, Florinda Kelmendi, marshi po prin me një flamur serb.

Një grup prej tre-katër të miturve dyshohet se kanë sulmuar disa të rinj shqiptarë në rrugën “Sutjeska” në Mitrovicë të Veriut, më 06.03.2025.

“Fillimisht janë marrë 4 persona si të dyshuar por 3 prej tyre janë liruar pas verifikimit të kamerave. Policia është duke punuar për të identifikuar edhe personat e tjerë të involvuar”- kishte thënë shefi i Operativës së Policisë Rajonale Mitrovicë – Veri, Petrit Fejza më 06.03.2025.

Policia e Kosovës ka njoftuar se mbrëmë, 07.03.2025, janë arrestuar edhe dy persona të tjerë lidhur me rastin e përleshjes e cila ka ndodhur më 06.03.2025 rreth orës 21:00 në Mitrovicë të Veriut, kur ishin shoqëruar në stacion policore 4 persona si të dyshuar mirëpo pasi që është vërtetuar se 3 prei tyre nuk kishin të bëjnë me rastin ata ishin liruar menjëherë ndërsa njëri nga ta është intervistuar si i dyshuar dhe më pas është liruar në procedurë të rregullt.

“Sot me datën 07.03.2025 pas një pune intensive hetimore nga njësitet policore janë identifikuar edhe 3 persona të përshirë në rast ku prei tyre 2 janë shoqëruar në stacion  të cilët pas intervistimit  janë liruar në procedurë të rregullt ndërsa personi tjetër është identifikuar dhe mbetet në interes për policin që të intervistohet” – thuhej në njoftimin e Policisë.