Ikballe Berisha- Huduti
Policia tregon se çka u gjet gjatë bastisjes së shtëpisë së Ikballe Huduti-Berisha
Ikballe Huduti- Berisha është arrestuar gjatë ditës së djeshme nga ana e Policisë së Kosovës nën dyshimet për shtytje në kryerje të veprave penale terroriste.
Huduti- Berisha është arrestuar pas disa deklaratave të publikuara në llogarinë e saj personale në Facebook, kundër vrasjes së gjeneralit iranian, Qasem Soleiman.
Arrestimin e Hudutit e ka bërë Drejtoria Kundër Terrorizmit, në bashkëpunim me Prokurorinë Speciale.
Madje policia në raportin ditor ka treguar edhe se çka u gjet gjatë bastisjes së shtëpisë së të dyshuarës.
Policia ka përmendur se ka gjetur e konfiskuar pajisje elektronike duke shtuar se kanë gjetur edhe dëshmi të tjera relevante pa theksuar se çfarë dëshmish janë ato.
Huduti- Berisha pas arrestimit është dërguar në mbajtje.