Policia kontrollon çantat e udhëtarëve që kanë ardhur nga Roma
03.6.2022 - 00:19
Burime të KALLXO.com kanë bërë të ditur se në Aeroportin e Prishtinës ‘Adem Jashari’ është duke u dyshuar për një mjet shpërthyes.
Ekipi i KALLXO.com është në vendin e ngjarjes.
Në këto momente, Policia është duke kontrolluar çantat e qytetarëve që kanë udhëtuar nga Roma.
Kontrollimin e çantave e ka konfirmuar për KALLXO.com shefi i Policisë së Aeroportit, Shpend Maliqi.
KALLXO.com ka tentuar që të marrë përgjigje nga Aeroporti i Prishtinës “Adem Jashari” lidhur me këtë rast, mirëpo deri në momëntin e publikimit të këtij artikulli nuk ka pasur përgjigje.
Përgjigje zyrtare nuk ka as nga Policia e Kosovës dhe as nga Agjencia e Shërbimit të Navigacionit Ajror.