Policia: Kanosen tre zyrtarë policorë në Rahovec

Tre zyrtarë policorë janë kanosur verbalisht nga një i dyshuar, që më pas është arrestuar, në Rahovec.

Ngjarja raportohet se ka ndodhur në orët e para të 2 prillit të këtij viti, rreth orës 01:00.

Policia e Kosovës në raportin 24-orësh ka thënë se policët në kohën kur janë kanosur kanë qenë në kryerje të detyrës.

I dyshuari, sipas Policisë, gjithashtu ka rezultuar nën ndikim të alkoolit me 0.83 promilë.

Policia ka thënë se me vendim të prokurorit i dyshuari është dërguar në mbajtje për 48 orë.