![](https://kallxo.com/wp-content/uploads/2019/10/aks3-695x310.jpg)
Policia jep detaje për aksidentin afër kazermës “Adem Jashari”
22.10.2019 - 10:23
Detaje rreth këtij aksident ka dhënë zëdhënësja e policisë në rajonin e Prishtinës, Florie Ahmeti.
“Rreth orës 08:00, në afërsi të kazermës “Adem Jashari”, në Prishtinë ka ndonjë një aksident trafiku, ku kanë qenë të përfshira tri automjete”, ka konfirmuar Ahmeti.
Ajo tutje ka shtuar se si pasojë e këtij aksidenti lëndime trupore ka pësuar një person.
“Me rastin po merret njësiti i trafikut”, ka thënë Ahmeti.
Nga fotografitë që kanë dërguar lexuesit e KALLXO.com, shihet se në aksident kanë qenë të përfshira dy vetura dhe një automjet i zjarrfikësve.