Arma e konfiskuar nga Policia e Rajonit të Pejës, Foto: Policia e Kosovës
Policia e Pejës konfiskon dy armë e arreston dy persona (Foto)
Në dy raste të ndryshme Policia e Rajonit të Pejës ka arrestuar dy persona dhe ka konfiskuar dy armë të tipit “Zastava M57”.
Përmes një njoftimi, Policia ka thënë se mbrëmë njësitë e saj kanë ndaluar një veturë në fshatin Gremnik të komunës së Klinës.
Në veturë i dyshuari po mbante një pistoletë me një karikator dhe gjashtë fishekë.
Pistoletën i dyshuari po e mbante pa leje. I njëjti pas intervistimit me vendim të prokurorit është liruar në procedurë të rregullt.
Në rastin e dytë, Policia ka njoftuar se i dyshuari B.P. po mbante një armë pa leje në një lokal.
Përveç armës, Policia ka konfiskuar edhe një karikator me tetë fishekë.
I dyshuari është arrestuar për veprën ‘posedim ilegal i armës’ dhe pas intervistimit me urdhër të prokurorit është ndaluar për 48 orë.