Përfshihet nga zjarri një banesë në Prishtinë

Një person ka njoftuar policinë se është kapluar nga zjarri një banesë në Prishtinë.

Ngjarja ka ndodhur rreth orës 17 pasditen e djeshme.

Sipas ankuesit, banesa ka marrë flakë në rrethana të panjohura.  Në vendin e ngjarjes kanë shkuar ekipet e zjarrëfikësve dhe të policisë dhe kanë lokalizuar zjarrin.

Në raportin policor thuhet se nuk është raportuar për ndonjë të lënduar.

Rasti është duke u hetuar.