Një grua gjendet e vdekur brenda një veture në Partesh
13.1.2021 - 20:14
Një grua është gjetur sot e vdekur në një veturë të ndalur në mes të rrugës në Partesh.
Rastin për KALLXO.com e ka konfirmuar zëdhënësi i Policisë për rajonin e Gjilanit, Ismet Hashani.
“Ju njoftojmë se sot rreth orës 17:24 jemi njoftuar nga qendra emergjente 112 se në Partesh një veturë është ndalur mes rrugës ku gjendet një person i gjinisë femërore që dyshohet se është pa shenja jete. Ndihma parë ka shku në atë lokacion, e cila ka konstatuar se personi është pa shenja jete”, ka thënë zyrtari policor.
Hashani njoftoi se rrethanat e vdekjes janë duke u hetuar.