Nesër hapet ekspozita 'Koleksioni i grafikës'
Galeria Kombëtare e Kosovës ka njoftuar se nesër, më 22 dhjetor 2020, do të hapet ekspozita, “Koleksioni i grafikës”
Ekspozita do të hapet në dy lokacione, njëkohësisht, në Galerinë Kombëtare dhe në Galerinë e Ministrisë së Kulturës.
“Ekspozita shpalosë një pjesë të arkivit të Galerisë Kombëtare, i cila është pasuruar ndër vite me vepra nga artistë të rëndësishëm vendorë dhe të huaj”, thuhet në njoftimin e GKK-së.
Kjo ekspozitë hapet edhe me rastin e 40-të vjteorit të themelimit të GKK-së.
Në këtë ekspozitë, sipas njoftimit të GKK-së, do të shfaqen punimet e 36 autorëve me mbi 100 vepra.
Ekspozita do të jetë e hapur për vizitorë gjatë orarit të zakonshëm.
Po sipas, GKK-së, vizitorët e ekspozitës duhet të respektojnë masat e rekomanduara nga IKSHPK dhe Ministria e Shëndetësisë për parandalimin e Covid-19.
