Ilustrim

Mitet e rrëzuara mbi coronavirusin

Moti i ftohtë dhe dëbora

Një nga mitet e krijuara është që moti i ftohtë dhe dëbora mund të vrasin coronavirusin. OBSh thotë se kjo nuk është e vërtetë. “Nuk ka arsye të besojmë se moti i ftohtë është në gjendje të vrarë coronavirusin e ri apo sëmundje të tjera,” thotë OBSh. Trupi i njeriut ruan temperaturë konstante në 36.5-37 gradë pavarësisht temperaturës së ambientit jashtë. Mënyra më efikase për të mbrojtur veten është larja e duarve me lëndë dezinfektuese me bazë alkoolin apo me sapun dhe ujë.

Banja e nxehtë

Nëse bën banjë me ujë të nxehtë, kjo nuk ju shpëton nga infektimi nga COVID-19. Temperatura e trupit tuaj është normalisht 36.5°C deri në 37°C pavarësisht se me sa ujë të nxehtë e bëni dushin. Në fakt, nëse zgjidhni ujë shumë të nxehtë, kjo rrezikon t’ju djegë pa ju ndihmuar. Larja e duarve është mënyra më e mirë për të mbrojtur veten nga COVID-19. Në këtë mënyrë ju eliminoni viruset që mund të gjenden në duart tuaj për të shmangur infektimet që mund të ndodhin nëse i vendosni duart e papastra në sy, gojë apo hundë.

Mallrat nga Kina

Edhe pse coronavirusi mund të qëndrojë mbi një sipërfaqe për disa orë deri në disa ditë (në varësi të llojit të sipërfaqes), ka shumë pak gjasa që virusi do të mbijetojë pasi sipërfaqja të jetë lëvizur, të ketë udhëtuar dhe t’i jetë ekspozuar kushteve dhe temperaturave të ndryshme. Nëse mendon se një sipërfaqe mund të jetë e kontaminuar, përdor një dizinfektues për ta pastruar dhe laj duart.

Coronavirusi dhe mushkonjat

Deri më sot nuk ka informacion dhe as prova që të sugjerojnë se coronavirusi mund të transmetohet nga mushkonjat. Coronavirusi i ri është një virus respirator që përhapet kryesisht përmes pikave të pështymës kur një person i infektuar kollitet apo teshtin, apo përmes shamive të hundës. Larja e duarve dhe ruajtja e distancës me personat që kolliten apo teshtijnë është mbrojtja më e mirë.

Tharësit e duarve

Disa besojnë se përdorimi i tharësve të duarve vret virusin. Kjo nuk është një mënyrë efikase. Larja e duarve mbetet mënyra më e mirë.

A ndihmojnë hurdhat?

Hurdhat janë një ushqim i shëndetshëm që mund të kenë disa cilësi antimikrobiale. Gjithsesi, nuk ka prova nga sëmundja aktuale që të sugjerojnë se konsumimi i hudhrave i ka mbrojtur njerëzit nga coronavirusi.

A prek më shumë coronavirusi të moshuarit apo fëmijët?

Njerëzit e të gjitha moshave mund të infektohen nga coronavirusi i ri. Të moshuarit, dhe njerëzit me sëmundje të tjera (të tilla si astma, diabeti apo sëmundjet e zemrës), duket se janë më të rrezikuar që të sëmuren rëndë nga virusi. OBSh këshillon njerëzit e të gjitha moshave të ndërmarrin hapa për të mbrojtur veten nga virusi, për shembull, duke ndjekur një regjim higjenik të fortë për duart dhe frymëmarrjen.

A ndihmojnë antibiotikët?

Jo, antibiotikët nuk funksionojnë kundër viruseve. Ato veprojnë vetëm kundër baktereve.

Coronavirusi i ri (2019-nCoV) është një virus dhe, për rrjedhojë, antibiotikët nuk duhet të përdoren si mjet për parandalim apo trajtim. Gjithsesi, nëse shtrohesh në spital për këtë virus, ty mund të të japin antibiotikë për shkak se bashkinfektimi me baktere është i mundshëm.

A ka ndonjë ilaç specifik për të parandaluar apo mjekuar coronavirusin e ri?

Deri më sot nuk ka asnjë ilaç specifik. Gjithsesi, ata që janë të infektuar me virusin duhet të marrin kujdes të përshtatshëm për të lehtësuar dhe trajtuar simptomat, dhe ata me sëmundje të rëndë duhet të marrin kujdes të fuqizuar mbështetës.(reporter.al)