Ministri Latifi paralajmëron se psikiatrja Vera Ora ka plane të kthehet në Kosovë për ta ndihmuar sistemin e shëndetit mendor

Ministri i Shëndetësisë, Rifat Latifi, ka njoftuar se është takuar me Vera Orën dhe Besnik Sahatçiun.

Latifi ka thënë se Ora është një psikiatre e njohur kosovare në Mbretërinë e Bashkuar dhe se ajo ka plane që të kthehet në Kosovë.

“Ishte një kënaqësi e madhe të takoja këtë çift të mrekullueshëm, Besnik Sahatçiu dhe Vera Ora. Jam shumë i lumtur kur dëgjova planet e saj për t’u kthyer në Kosovë dhe për të ndihmuar sistemin tonë të shëndetit mendor në nevoja të mëdha” – ka thënë Latifi.

Vera Ora dhe Besnik Sahatçiun janë po ashtu prindërit e këngëtarës së njohur botërore me prejardhje nga Kosova, Rita Ora.

It was such a pleasure to meet this amazing couple, @besniksahatciu and @veraora, wellknown 🇽🇰 psychiatrist in 🇬🇧. I was so happy hear her plans for returning to Kosova and helping our mental healthcare system in great needs. Brain return of 🇽🇰 experts at its best. pic.twitter.com/9Zr5aXh6o6

— Rifat Latifi (@rifatlatifi_) September 25, 2022