Liderët e Kosovës i kanë kërkuar UNESCO-s që t'i largojë katër vende nga lista e trashëgimisë në rrezik

Kryeministri i Kosovës, Albin Kurti ka njoftuar se së bashku me presidenten Vjosa Osmani dhe kryetarin e Kuvendit, Glauk Konjufca, kanë kërkuar nga UNESCO që të largojë katër vendet e trashëgimisë kulturore të Kosovës nga Lista e Trashëgimisë Botërore në rrezik.

“Me Vjosa Osmanin dhe Glauk Konjufcën kemi kërkuar nga UNESCO për të tërhequr katër vendet e trashëgimisë në Kosovë nga Lista e Trashëgimisë Botërore në rrezik. Arsyet për vendosjen e tyre në listën e rrezikut nuk vlejnë më. Ne jemi të përkushtuar për të mbrojtur trashëgiminë kulturore në vendin tonë”, ka shkruar Kurti në Facebook.

Në letrën e cila është dërguar më 21 maj është kërkuar që Manastiri i Deçanit, Patrikana e Pejës, Manastiri i Graçanicës dhe Kisha e Shën Premtes në Prizren, të largohen nga lista e trashëgimisë kulturore të rrezikuar pasi ka ndryshuar situata që kur ato janë bërë pjesë e kësaj listë në vitin 2006.

With @VjosaOsmaniPRKS & @KonjufcaGlauk requested @UNESCO to withdraw the four heritage sites in Kosova from the List of World Heritage in Danger. The reasons for placing them on the danger list no longer apply. We are committed to protecting cultural heritage in our country. pic.twitter.com/06BhiYLFe1

— Albin Kurti (@albinkurti) May 23, 2021