Komandant Hoxha ftohet nga Gjykata Speciale
Samidin Xhezairi, i njohur si komandant Hoxha në luftën e fundit në Kosovë, është ftuar nga Gjykata Speciale.
Lajmin për këtë e ka bërë të ditur Zafir Berisha, zyrtari i Nismës Socialdemokrate në Prizren.
Berisha ka shkruar në Facebook se ndihet krenar që ka qenë bashkëluftëtar me komandant Hoxhën.
“I bindur shumë, miku dhe bashkëluftetari ynë (Samidin), si në luftë edhe tashë do të dini ti bërballoni sfidave që ju dalin përpara.
Ju, ne dhe e gjithë Kosova i përhulen luftës së UÇK-së dhe ndihem krenar që nje pjesë të luftës ishim bashkë në përpjekjet titanike për lirin e Kosovës nga okupatori serbo-sllav…
Dalshi faqebardh ju dhe gjithë luftetarët e vërtet të UÇK-së përball padrejtësis së radhës.”, ka shkruar Zafir Berisha.
Ai pritet të udhëtojë për intervistim më 14 dhjetor ndërsa ftesën e ka pranuar gjatë ditës së djeshme.
