COVID-19 Ilustrim - Naser Fejza
Katër vdekje nga COVID-19 brenda 24 orëve
11.11.2020 - 15:08
Katër persona kanë vdekur si pasojë e infeksionit me COVID-19 në 24 orëshin e fundit.
Këtë e ka bërë të ditur Institut Kombëtar i Shëndetësisë Publike përmes raportit ditor.
“Brenda 24 orëve janë raportuar 4 raste të vdekjes me SARS CoV-2 pozitiv. Rastet e vdekjes janë nga komunat: Drenas 1 rast (75 vjeç), Prishtinë 1 rast (62 vjeç), Shtime 1 rast (77 vjeç), Skenderaj 1 rast (72 vjeç). Numri total i rasteve pozitive është 26.121 raste nga 111.560 persona të dyshimtë në virusin SARS-CoV-2 dhe 777 raste të vdekjes”, thuhet në njoftim.
Sot janë shënuar edhe 733 raste të reja me SARS- CoV-2 në nivel vendi, ndërsa janë shëruar 137 pacientë të tjerë.