Isa Mustafa në konferenë për media Foto: KALLXO.com

Isa Mustafa për Vjosa Osmanin: Nuk shoh arsye që një anëtar i LDK-së të mos e përkrahë familjen

Kryetari i Lidhjes Demokratike të Kosovës, Isa Mustafa tha se ka pritur që Vjosa Osmani sot ta udhëheqë seancën e Kuvendit dhe ta përkrah zgjedhjen e Avdullah Hotit kryeministër.

“Është një vendim dhe përcaktim i saj. Edhe përkundër asaj që nuk pranoi, seanca u mbajt. Unë e vlerësoj drejtimin që sot ia dha seancës akademik Kujtim Shala si nënkryetar i Kuvendit të Republikës së Kosovës. Kam pritur që Vjosa Osmani si anëtare dhe nënkryetare e LDK-së do ta drejtojë këtë seancë dhe do ta përkrahë zgjedhjen e Hotit”, tha Mustafa.

Mustafa tha se nuk sheh arsye që Osmani apo anëtarët e LDK-së të mos e përkrahin familjen e vet.

“Unë nuk shoh arsye që dikush që është anëtar i LDK-së i kësaj familje të mos e përkrahë familjen e vet në çastet jetike të saj, sepse edhe ky moment ka qenë shumë i rëndësishëm mos të them jetik për LDK-në por edhe për Kosovën sepse duhet të ketë institucione të cilat duhet të funksionojnë”, tha Muustafa.

Seanca për votimin e Qeverisë së re, Hoti nuk është udhëhequr nga kryetarja e Kuvendit të Kosovës, Vjosa Osmani.

Kjo seancë është udhëhequr nga bashkëpartiaku i saj, Kujtim Shala.

Vjosa Osmani nuk merr pjesë në seancën e votimit të Qeverisë Hoti

Pas përfundimit të seancës së Kuvendit të Kosovës, kryetarja e këtij institucioni, Vjosa Osmani, duke folur për refuzimin e saj që të drejtojë seancën në të cilën u votua qeveria e drejtuar nga Avdullah Hoti, tha se kjo qeveri nuk përfaqëson vullnetin qytetar.

Vjosa Osmani deklarohet kundër qeverisë Hoti

 

Do NOT follow this link or you will be banned from the site!