Gjyle Gashi nga Tërnja e Suharekës pranë varrit të së bijës, Besartës, e vrarë nga forcat serbe në mars 1999. Foto: BIRN
Gjykata serbe liron komandatin serb për krimet në Tërnje të Suharekës
Gjykata e Apelit në Beograd ka konfirmuar lirimin e ish komandantit të brigadës së ushtrisë jugosllave, Pavle Gavriloviq, i cili u akuzua se urdhëroi që “nuk duhet të ketë të mbijetuar” në një sulm në fshatin Tërrnje të Suharekës më 25 mars 1999.
Megjithatë, gjykata mbështeti dënimin e oficerit të tij vartës, Rajko Kozlina, duke e dënuar atë me 15 vjet burg.
“Gjykata e shkallës së parë konkludoi në mënyrë të saktë se nuk kishte prova të mjaftueshme në çështjen aktuale që Pavle Gavriloviq lëshoi një urdhër” që të mos të ketë të mbijetuar”, që nënkuptonte vrasjen e civilëve – banorë të fshatit Tërrnje”, thuhet në shpjegimin e aktgjykimit të lëshuar më 12 dhjetor por botuar në faqen e internetit të Gjykatës së Apelit të hënën.
Ai më tej sqaroi se dëshmia nga një dëshmitar i cili tha se kishte dëgjuar Gavriloviq duke lëshuar urdhrin, por që ishte e pamjaftueshme dhe nuk u mbështet kjo dëshmi me prova të tjera relevante gjatë procedurës.
Kjo “gjithashtu vë në dyshim besueshmërinë e dëshmitarit”, dhe kështu hedh dyshime në pretendimin e prokurorit nga aktakuza”, thuhet në vendim.
Në kohën e sulmit ndaj fshatit Tërrnjë, Gavriloviq ishte komandant i batalionit të pasëm të Brigadës së 549-të të Motorizuara të Korpusit të Prishtinës të Ushtrisë Jugosllave, dhe Kozlina ishte udhëheqës i një kompanie teknike në brigadë.
Në aktgjykimin e shkallës së parë në prill të këtij viti, Kozlina u dënua se e çoi njësitë e tij në Tërrnje, duke gjuajtur mbi dy civilë, të cilët mbijetuan, dhe urdhëroi ushtarët e tij të ndiznin zjarr ndaj civilëve të tjerë në fshat, duke shkaktuar vdekjen e 15 personave.
Midis viktimave kishte të moshuar dhe një djalë katër vjeç.
Të mbijetuarit e masakrës së Tërnjes druajnë se gjykata serbe nuk sjell drejtësi
Aktakuza kishte pretenduar se Gavriloviq urdhëroi sulmin.
Ai dyshohej se i kishte ndarë burrat e tij në tre grupe, me të pandehurin Kozlina në njërin prej tyre, dhe i urdhëroi ata të hynin në fshat dhe të pastrojnë etnikisht zonën.
Gjykatësja Mirjana Iliq tha teksa dha aktgjykimin e shkallës së parë në prill se nuk ishte provuar se Gavriloviq dha një urdhër që “nuk duhet të kishte të mbijetuar”.
“Gjykata konstaton se [akuzat kundër Gavriloviq] nuk mbështeten me prova,” tha Iliq ndërsa lexoi aktgjykimin.
Dhoma e gjyqit vendosi që urdhri për të lënë asnjë të mbijetuar “nuk mund të ishte lëshuar” dhe liroi Gavriloviqin.