![](https://kallxo.com/wp-content/uploads/2021/11/policia-arrestim-e1465727256599-640x480.jpg)
Foto: Ilustrim
E rrahu dhe ia mori veturën, i dyshuari arrestohet pas 8 dite
01.6.2022 - 10:59
Tetë ditë pas raportimit të rastit, Policia e Kosovës ka njoftuar se kanë arritur të arrestojnë personin e dyshuar për sulm dhe vjedhje të veturës të viktimës në Gjakovë.
Policia ka treguar se i dyshuari më 22 maj të këtij viti, rreth orës 23:30 kishte sulmuar viktimën me mjete të forta ku si pasojë e kësaj viktima kishte pranuar tretman mjekësor.
Ngjarja raportohet se ka ndodhur në rrugën UÇK në Gjakovë.
Sipas Policisë, vetura e vjedhur është gjetur dhe i është kthyer viktimës-pronarit, ndërsa i dyshuari pas intervistimit me vendim të prokurorit është dërguar në mbajtje.