Dy të plagosur në qendër të Prishtinës, Policia jep detaje

Dy persona janë plagosur rreth orës 20:20 në rrugën “Qamil Hoxha” në Prishtinë.

Lajmin për KALLXO.com e ka konfirmuar zëdhënësja e Policisë për rajonin e Prishtinës, Flora Ahmeti.

“Rreth orës 20:20, policia ka marrë informatën për të shtëna me armë në rrugën “Qamil Hoxha” në Prishtinë. Bazuar në informacionet e para raportohet për dy persona të lënduar, njëri nga ta  dyshohet të ketë marrë lëndime nga arma e zjarrit”- tha ajo.

Tutje ajo ka thënë se personat e lënduar janë dërguar për trajtim mjekësor.

“Hetuesit policor në koordinim me prokurorinë, po ndërmarrin  veprimet hetimore për ndriçimin e plotë të rastit dhe janë në kërkim të personave të dyshuar të cilët tashmë janë identifikuar nga ana e policisë” – tha ajo.

Së paku një i plagosur me armë zjarri në Prishtinë