Deputetët e opozitës shpërndajnë pankarta 'VOTO PËR TRUSTIN!'
26.5.2022 - 11:33
Gjatë seancës së Kuvendit të Kosovës deputetët e Aleancës për Ardhmërinë e Kosovës janë parë duke shpërndarë pankarta në të cilat shkruhej “VOTO PËR TRUSTIN!”.
Shpërndarja e këtyre pankartave është bërë në fillim të seancës.
Deputeti i AAK-së, Pal Lekaj ka kërkuar nga pozita që të lënë anash krenarinë dhe ndjenjën e fituesit dhe të votojnë pro për tërheqjen e 30% te TRUST-it.
“Qytetarët janë keq dhe po kërkojnë ndihmë nga dora e shtetit, sepse janë keq, sepse po sfidohen në çdo moment”, ka thënë Lekaj.