SHBA i dorëzon Ukrainës kontratën e sistemeve raketore Raytheon prej 1
Një zyrtar sigurie në ambasadën e Ukrainës në Madrid u plagos kur hapi një letër bombë drejtuar ambasadorit të mërkurën.
Në vazhdën e incidentit, ministri i jashtëm ukrainas Dmytro Kuleba urdhëroi të gjitha ambasadat e Kievit jashtë vendit që “urgjentisht” ta forcojnë sigurinë e tyre.
Presidenti i Komisionit Evropian ka propozuar një gjykatë speciale për t’a hetuar dhe ndjekur penalisht “krimin e agresionit” të Rusisë kundër Ukrainës. Ursula von der Leyen gjithashtu dëshiron t’i përdorë të ardhurat e fondeve ruse që janë ngrirë nën sanksionet perëndimore për ta ndihmuar Ukrainën.
Ukraina ka nevojë për sistemet e mbrojtjes raketore Patriot të prodhuara nga SHBA për ta mbrojtur infrastrukturën e saj civile, nën sulmin e rëndë nga Rusia, ka deklaruar ministri i Jashtëm, Dmytro Kuleba, duke shtuar se do të punojë me qeverinë gjermane për këtë çështje. Ish-presidenti rus Dmitry Medvedev paralajmëroi NATO-n të martën që të mos i japë Ukrainës sistemet Patriot, raportoi Reuters.
Mbretëria e Bashkuar ka njoftuar një raund të ri sanksionesh kundër 22 rusëve, përfshirë ato që Ministria e Jashtme thotë se janë të përfshirë në regjistrimin e kriminelëve për të luftuar në Ukrainë. James Cleverly, sekretari i jashtëm, tha të mërkurën se departamenti i tij do të ketë si synim një grup të ri zyrtarësh, duke përfshirë Denis Manturovin, zëvendëskryeministrin, i cili është përgjegjës për furnizimet e pajisjeve të trupave.
E nominuara nga presidenti amerikan Joe Biden për ambasadore në Rusi, Lynne Tracy, u zotua të mërkurën se do ta bëjë lirimin e amerikanëve të arrestuar një prioritet nëse konfirmohet se ajo është një nga postet diplomatike më të rëndësishme dhe sfiduese të SHBA-së.
Shërbimi shtetëror i emergjencave të Ukrainës ka thënë se nëntë persona janë vrarë nga zjarret në 24 orët e fundit, pasi i kanë thyer rregullat e sigurisë në përpjekje për t’i ngrohur shtëpitë e tyre pas sulmeve ruse në objektet e energjisë. “Vetëm ditën e fundit në Ukrainë janë shënuar 131 zjarre, 106 prej tyre në sektorin e banesave. Nëntë persona vdiqën dhe tetë u plagosën”, tha shërbimi i urgjencës.
Justin ëelby, kryepeshkopi i Canterbury-t, ka mbërritur në Kiev për një vizitë tri-ditore për të treguar solidaritet me popullin dhe kishat e Ukrainës. ëelby do të takohet me krerët e kishave të Ukrainës, refugjatët dhe personat e zhvendosur brenda vendit.
Udhëheqësi i shërbimit të inteligjencës së jashtme të Rusisë, Sergei Naryshkin, diskutoi çështjet bërthamore dhe Ukrainën në një takim këtë muaj me drejtorin e CIA-s, ëilliam Burns, njoftoi agjencia e lajmeve RIA. Elizabeth Rood, e ngarkuar me punë në ambasadën amerikane në Moskë, i tha më parë RIA se Burns “nuk negocioi asgjë dhe ai nuk diskutoi ndonjë zgjidhje të konfliktit në Ukrainë”.
Mosk zyrtare e ka promovuar kryeinxhinierin e termocentralit bërthamor të Zaporizhzhia, Yuriy Chernichuk, në krye të saj, sipas agjencisë bërthamore ruse Rosenergoatom. Pozicioni ka qenë vakant që nga tetori kur Kievi thotë se shefi i uzinës Ihor Murashov u rrëmbye nga autoritetet ruse.
Ukraina pretendon se ka vrarë 500 ushtarë të tjerë rusë në 24 orët e fundit, duke e çuar totalin e atyre që kanë vdekur në luftime që nga 24 shkurti në rreth 88,880. Shtabi i përgjithshëm i forcave të armatosura tha se ka asgjësuar tri tanke të tjera dhe gjashtë transportues të blinduar të personelit.
Forcat ukrainase kanë rrëzuar tre dronë zbulues rusë në 24 orët e fundit, sipas forcave të saj të armatosura. Në një buletin të hershëm të mëngjesit nga Ukraina, zëdhënësi i shtabit të përgjithshëm të forcave të armatosura, Alexander Štupun, tha se Ukraina i ishte nënshtruar një sërë sulmesh raketore nga avionë dhe artileri, duke përfshirë Kivsharivka në Kharkiv dhe Sloviansk në Donetsk.
Një adoleshent u vra nga bombardimet ruse të një spitali në rajonin verior të Ukrainës, Sumy, ka deklaruar ndihmësi presidencial Kyrylo Tymoshenko, nënkryetari i administratës presidenciale të Ukrainës.
Presidenti ukrainas Volodymyr Zelenskiy thotë se nuk beson se presidenti rus Vladimir Putin do të përdorë armë bërthamore. Ai e bëri komentin teksa fliste me video lidhje në samitin e Neë York Times ‘DealBook’ në New York City. Kjo vjen pasi ministri i jashtëm rus Sergei Lavrov tha se ishte jetike të shmangej çdo lloj konfrontimi ushtarak midis fuqive bërthamore, edhe nëse përfshin vetëm armë konvencionale, raportoi agjencia e lajmeve TASS.
Ministri rus i mbrojtjes ka thënë se do të fokusohet në infrastrukturën e armëve bërthamore në vitin 2023, duke përfshirë objektet për të akomoduar sisteme të reja raketore. Sergei Shoigu tha në një takim të bordit të departamentit të mërkurën se do të ketë një prioritet për Rusinë vitin e ardhshëm. “Kur të përgatitet lista e objekteve kryesore të ndërtimit për vitin 2023, vëmendje e veçantë do t’i kushtohet ndërtimit në interes të forcave strategjike bërthamore,” tha Shoigu nga agjencia e lajmeve RIA.
Këshilli i qytetit në portin ukrainas të Detit të Zi, Odesa, ka votuar për heqjen dhe zhvendosjen e një monumenti të Perandoreshës Katerina e Madhe e Rusisë, i cili është lyer me bojë të kuqe të paktën dy herë. Statuja e themeluesit të qytetit, e cila ngrihet mbi një shesh qendror, është vandalizuar në mënyrë të përsëritur që nga pushtimi i Ukrainës, i cili ka bërë që shumë ukrainas të refuzojnë lidhjet historike të vendit të tyre me Moskën, raportoi Reuters./The Guardian
Përgatiti: Nuhi Shala
