Boris Johnson humb shumicën në Parlament

Deputeti konservator, Philip Lee, është bashkuar me Partinë Liberal-Demokrate, raporton BBC.

Deputeti Lee vendosi të bashkohet me kundërshtarët politikë opozitarë pikërisht teksa kryeministri Boris Johnson i drejtohej Parlamentit me një fjalim.

Ndërrimi i anës nga ai do të thotë që Johnson nuk e ka më shumicën në Parlament.

Lee tha se qeveria po ndiqte “një proces dëmtues në lidhje me Brexit-in, jo parimor, duke vënë në rrezik jetët e njerëzve dhe mirëqenien e tyre”.

Johnson është zotuar të largohet nga BE më 31 tetor me ose pa një marrëveshje, por një numër i deputetëve kundër asnjë marrëveshje janë mbledhur nëpër linja politike të partisë në përpjekje për ta ndaluar.

Ata kanë paraqitur mocion për një debat urgjent tek kryetari i dhomës së përfaqësuesve, John Bercow, e cila nëse pranohet, ata do të sjellin një projektligj që do të detyrojë kryeministrin të kërkojë për Brexit-in të shtyhet deri më 31 janar, përveç nëse deputetët miratojnë një marrëveshje të re, ose votojnë në favor të një situate pa marrëveshje, deri më 19 tetor./BBC