Arrestohet një person në Ferizaj, i konfiskohet një armë me nëntë fishekë
09.11.2021 - 10:09
Policia e Kosovës ka njoftuar se në orët e hershme të mëngjesit të sotëm, një person është arrestuar në Ferizaj.
Sipas Policisë, i dyshuari është ndalur në një pikë kontrolle në magjistralen Prishtinë-Ferizaj.
Gjatë kontrollit të veturës, të shoferit dhe dy pasagjerëve është gjetur një armë zjarri me nëntë fishekë.
Të tre personat janë dërguar në stacionin policor në Ferizaj.
I dyshuari është intervistuar dhe me vendim të prokurorit i njëjti është liruar.
Në njoftimin e Policisë thuhet se rasti është iniciuar si “Mbajtje ne pronësi, kontroll, ose posedim i paautorizuar i armës” dhe se do të vazhdohet me procedura të mëtejme hetimore.