6 të lënduar rëndë në një aksident në Drenas
23.5.2021 - 17:55
Gjashtë persona kanë përsuar lëndime të rënda trupore në një aksident që ka ndodhur në fshatin Korroticë të Ulët të Komunës së Drenasit.
Zëdhënësi i Policisë së Kosovës për rajonin e Prishtinës, Agron Borovci, ka thënë për KALLXO.com se personat e lënduar janë dërguar për trajtim të nevojshëm mjekësor.
Sipas Policisë së Kosovës, në këtë aksident kanë qenë të përfshira dy automjete që kanë qenë në lëvizje.
“Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident”, thuhet në përgjigjen e Borovcit për KALLXO.com.
Aksidenti ka ndodhur sot rreth orës 16:00.