Pamje nga ekspozita ‘Smogu i madh i vitit 2021’. Foto: KALLXO.com.
Ekspozitë për ekologjinë në Galerinë Kombëtare (FOTO)
4 video-projeksione dhe 5 piktura po qëndrojnë të ekspozuara në Galerinë Kombëtare të Kosovës në kuadër të ekspozitës “Smogu i madh i vitit 2021”.
Ekspozita është organizuar nga Engjëll Berisha.
Qëllimi i organizimit të kësaj ekspozite është ngritja e vetëdijes dhe për rëndësinë që ka ruajtja e ambientit, njëkohësisht edhe rreziqet që vijnë nga ndryshimet klimatike.
Kuratori Berisha ka thënë për KALLXO.com se ekspozita është organizuar në bashkëpunim me British Council.
“Peizazhet e ekspozuara por edhe videot e artistëve britanikë prezantojnë një qasje të veçantë se si ne e trajtojmë natyrën dhe çfarë rëndësie ka ajo për ne”, ka thënë Berisha.
Berisha ka thënë se gjatë ditëve sa do të zgjasë ekspozita do të ketë edhe debate e work-shope me ekspertë dhe artistë për klimën.
Artistët ekspozues janë Alban Muja, Blerta Hashani, Ben Rivers, Charlotte Prodger, Louis Henderson, Nimon Lokaj, Uriel Orlow.
Ekspozita do të jetë e hapur deri më 8 dhjetor 2021.
