Përshkrimi i rremë se gazetari Valon Syla “vjedh” pijen live

Ja sesi vjedhë live gazetari

Më 10 tetor 2023, faqet e Facebook-ut Toka News (arkiva) dhe Shëndeti (arkiva) kanë shpërndarë një video në të cilën protagonist është gazetari dhe analisti Valon Syla.

Në postim është vendosur përshkrimi “Ja sesi vjedh live gazetari”. Materiali është shikuar nga 625 ndjekës dhe ka pasur 5 reagime. 

Krypometri me datë 11/11/2023 ka verifikuar nëse në pamjet e shfaqura gazetari Syla është duke kryer ndonjë vjedhje apo është sjellje normale në studiot televizive.

Fillimisht është egzaminuar filmimi dhe është konstatuar se materiali është shkëputur nga debati televiziv në emisionin “Presing” ku përpos Valon Sylës musafir ishin edhe Lutfi Haziri, Baton Haxhiu dhe Bekim Qollaku. Në material shihet z. Syla duke marrë pijen para tavolinës së tij mirëpo kjo nuk është cilësuar vjedhje. 

Krypometri ka kontaktuar me Valon Sylën i cili ka sqaruar se lëngun nuk e ka vjedhur por e ka marrë nga kolegu i tij Baton Haxhiu, pasi sipas gazetarit, atë ditë ka pasur mungesë të ujit.

“Zakonisht lëngje nuk pi kurrë dhe shumë rrallë edhe analistat e tjerë. Ka pasë mungesë të ujit atë ditë. Isha eqt (etur) dhe pasi e piva temen, ja morra edhe Batonit se ai edhe ashtu se pin kurrë. Madje as ujin. Kjo është e vërteta”- ka konfirmuar Syla për Krypometrin më 10 nëntor 2023.

Publikimet ofenduese dhe fyese për pjesmarrësit në debatet publike janë rritur në muajt e fundit në Kosovë.

Gazetari Syla ishte sulmuar fizikisht para disa muajsh pasi kishte ngritur një kauzë e cila u pengoj komunitetit musliman në Kosovë.

Tre persona janë arrestuar për këtë qështje. Procesi gjyqësor ndaj tyre ka nisur në gjykatën e Prishtinës.