Foto: Enver Hoxhaj/Facebook
Enver Hoxhaj nuk e kthen iPhone 7 që e bleu me para të shtetit (Dokument)
Ish zëvendëskryeministri i Kosovës, tani deputet i PDK-së, Enver Hoxhaj po vazhdon ta mbajë në pronësi një telefon të mençur, të tipin Iphone 7 të cilin e kishte blerë me para të buxhetit të shtetit gjatë kohës sa ishe zëvendëskryeministër.
KALLXO.com përmes kërkesës për qasje në dokumente publike ka marrë emrat e gjithë stafit politik të Qeverisë së kaluar që nuk i kanë kthyer pajisjet.
Enver Hoxhaj, njëjtë si edhe ish kolegu i tij, Fatmir Limaj vazhdojnë t’i mbajnë telefonat Iphone 7 dhe nuk i kanë kthyer ende.
Qeveria, ku Hoxhaj ka qenë zëvendëskryeministër e ka përfunduar mandatin më 3 shkurt të këtij viti.
KALLXO.com kishte shkruar para disa jave se Hoxhaj në të kaluarën kishte përdorur kartelën e ministrit për të paguar darka, ndonëse ai nuk e mbante pozitën.
