Foto: Urim Krasniqi/KALLXO.com
Prishtina mposht Feronikelin dhe i afrohet titullit të kampionit
09.5.2021 - 17:26
Prishtina ka shënuar fitore me rezultat 2-1, ndaj Feronikelit, në kuadër të xhiros së 34-të në Superligën e Kosovës.
Leonit Abazi e hapi serinë e golave duke shënuar për 1-0
Gledi Micic shënoi autogol për ta barazuar rezultatin.
Mesfushori Endrit Krasniqi e riktheu epërsinë e vendasve në minutën e 69’.
Nikli kishte mundësi që ta barazonte rezultatin me Simonovskin, nga penalltia goditjen e të cilit e priti portieri Ardit Nika.
Pas kësaj fitoreje Prishtina pozicionohet në vendin e parë me 75 pikë, pesë më shumë se Drita, kur kanë mbetur edhe dy xhiro deri në përfundim të këtij kampionati.
Prishtinës i duhet vetëm një barazim në ndeshjen e radhës ndaj Gjilanit për t’u shpallur kampion.
Kurse, Feronikeli mbetet në vendin e tetë me 38 pikë.