Ballkani e mposhti Gjilanin dhe largohet nga zona e barazhit (Foto)
24.11.2018 - 19:16
Ballkani ka shënuar një fitore të thellë ndaj Gjilanit me rezultat prej 4-1, në kuadër të xhiros së 16-të në Ipko Superligën e Kosovës.
Të parët kaluan në epërsi mysafirët me autogolin e Elbasan Gashit në minutën e 21’.
Vendasit e barazuan rezultatin në fundin e pjesës së parë me Durim Gashin.
Golin e epërsisë e shënoi Blendi Baftiu në minutën e 49’.
Në minutën e 79’, Ballkani e shënoi edhe golin e tretë dhe të qetësisë me anë të Arbër Patokut.
Golin e katërt e shënoi Leutrim Gashi në minutën e 88’.
Pas kësaj fitore Ballkani ikën nga zona e barazhit ku tani ka 21 pikë.
Ndërsa Gjilani mbetet në pozitën e katërt me 24 pikë.