Zeqir Kiqina (djathtas) në një fotografi me deputetin e AAK-së, Daut Haradinaj. Foto: Facebook
Zeqir Kiqina zgjedhet u. d. i kryeshefit ekzekutiv të Telekomit
19.8.2020 - 18:23
Zeqir Kiqina është zgjedhur ushtrues i detyrës së kryeshefit ekzekutiv të Telekomit.
Këtë e ka konfirmuar vetë Kiqina përmes telefonit për KALLXO.com.
“Po jam zgjedhur ushtrues detyre i kryeshefit ekzekutiv, të hënen”, ka thënë shkurtimisht Kiqina përmes telefonit.
Ai ka qenë kryetar i degës së AAK-së në Drenas, ndërsa në Telekom ka punuar që nga viti 2009.
Kiqina edhe në prill të vitit 2018 ishte zgjedhur ushtrues detyre në këtë pozitë.
Madje, në vitin 2018, Daut Haradinaj i AAK-së ishte përkujdesur që t’ia uronte ditëlindjen e 40-të Kiqinës përmes rrjetit social ‘Facebook’.