VIDEO- Konjufca komenton kërkesat për dorëheqjen e tij

Kryetari i Kuvendit të Kosovës, Glauk Konjufca i ka komentuar kërkesat për dorëheqjen e tij si parakusht për t’u arritur marrëveshja mes Lëvizjes Vetëvendosje dhe Lidhjes Demokratike të Kosovës për bashkëqeverisje.

I pyetur nga KALLXO.com për këtë çështje, Konjufca pas mbledhjes së Kryesisë së Kuvendit sot, ka thënë se nuk është koha e dorëheqjeve.

“Unë nuk mendoj se në Kosovë është koha e dorëheqjeve. Unë mendoj që është koha e emërimeve”, tha shkurt kryeparlamentari.

Glauk Konjufca është zgjedhur kryetar i Kuvendit të Kosovës me 26 dhjetor të vitit të kaluar.

Ndërkaq, LDK-ja aktualisht po kërkon mes tjerash nga VV-ja që ta ketë pozitën e kryetarit të Kuvendit, si kusht për marrëveshjen përfundimtare.

Por kjo e fundit ka thënë se Konjufca do të mbetet në pozitën aktuale dhe nuk do ta iniciojnë shkarkimin dhe se nuk do t’ia kërkojnë dorëheqjen.

Do NOT follow this link or you will be banned from the site!