![](https://kallxo.com/wp-content/uploads/2024/06/viber_image_2024-06-06_11-35-56-101-578x480.jpg)
Fourth Wave
'Unë jam mirë, kur janë mirë gratë' - Aksioni simbolik i organizatës feministe në Mitrovicë
“Unë jam mirë, kur janë mirë gratë”, është mbishkrimi i një parulle të organizatës “Fourth Wave” gjatë aksionit të tyre simbolik të mbajtur sot më 06.06.2024, pranë shtatores së Isa Boletinit në Mitrovicë.
Drejtoresha e kësaj organizate, Neri Ferizi tregon se transformimi i citimit ikonik të këtij atdhetari ka për qëllim ta pasqyroj urgjencën e trajtimit të dhunës me bazë gjinore në Kosovë.
“Pasi e vendosëm këtë citim të transformuar pranë shtatores së Isa Boletinit, ne jo vetëm që sot po kërkojmë që të sfidohet status quo-ja, por edhe ftojmë të gjithë në reflektim dhe veprim kombëtar. Ne e dimë se atdhetarët tanë nuk luftuan për një komb ku vajzat e gratë janë viktima të ngacmimeve, dhunës dhe femicidit”- tha Ferizi.
Sipas njoftimit të organizatës “Fourth Wave”, qëndrimi i bashkuar në këtë kauzë çon në një hap të rëndësishëm ku çdo grua mund të jetojë e lirë nga frika dhe shtypja.