Stamboll, festohet Dita e Flamurit
Në kuadër të aktiviteteve për “Ditët e Kulturës Shqiptare”, në Stamboll u mbajt manifestimi kulturor për Ditën e Flamurit. Ky manifestim u organizua në bashkëpunim me Lidhjen e Rinisë Shqiptare, njofton Ministria e Diasporës.
“Në prezencën e më shumë se 400 pjesëmarrësve, duke përfshirë figura të rëndësishme të udhëheqësisë së Stambollit, grupe të ndryshme kulturore janë paraqitur me muzike e valle popullore e folklorike shqipe. Grupet përformuese që pasuruan këtë aktivitet ishin: grupi ”Karshiakat” me muzikë folklorike, grupi ” Besa” me muzikë popullore, Imran Salkim me muzikë popullore dhe grupi” Albana” me këngë e valle”, thuhet në njoftimin e MDIS-së.
Në fund të pjesës artistike-kulturor, u shfaq një reportazh rreth organizimit të ndihmave për Shqipërinë me rastin e tërmetit, nga Lidhja e Rinisë Shqiptare.
