Qeveria e Kosovës miraton tri nisma për lidhje të marrëveshjeve në fushën e drejtësisë me Qeverinë e Mbretërisë së Bashkuar

Qeveria e Kosovës ka miratuar më 12.03.2025 tri nisma për lidhje të marrëveshjeve në fushën e drejtësisë me Qeverinë e Mbretërisë së Bashkuar.

E para është nisma për lidhjen e marrëveshjes për transferimin e personave të dënuar ndërmjet Qeverisë së Republikës së Kosovës dhe, siç thuhet në komunikatë, Qeverisë së Mbretërisë së Bashkuar të Britanisë së Madhe dhe Irlandës Veriore. 

E dyta, për lidhjen e marrëveshjes për ndihmë të ndërsjellë juridike në çështje penale. 

Dhe e treta, sipas komunikatës, për lidhjen e marrëveshjes për ekstradim ndërmjet Qeverisë së Republikës së Kosovës dhe Qeverisë së Mbretërisë së Bashkuar të Britanisë së Madhe dhe Irlandës Veriore.