Policia jep detaje për aksidentin në rrugën Prishtinë- Gjakovë
20.9.2019 - 20:09
Në një aksident që ka ndodhur sot mes dy veturave në Rakovinë të Gjakovës, kanë pësuar lëndime dy persona.
Kështu ka bërë të ditur për KALLXO.com, zëdhënsja e Policisë për rajoni e Gjakovës, Lirije Podrimaj.
Ajo ka shtuar se personat kanë pësuar lëndime të lehta trupore dhe se rasti është duke u hetuar.
“Policia në Gjakovë ka marrë informacionin për një aksident komunikacioni që ka ndodhur në fshatin Rakovinë në ora 19:15. Në këtë aksident janë të përfshira dy automjete udhëtarësh, ku përveç dëmeve materiale janë dy persona me lëndime të lehta trupore. Policia është në vendin e ngjarjes dhe po e heton rastin”, ka thënë Podrimaj.
KALLXO.com ka raportuar më herët në lidhje me aksidentin në fjalë.
.