Parashikimet e zgjedhjeve në Francë, prin koalicioni majtist

Askush nuk pritet ta ketë shumicën në parlamentin francez, sipas projeksioneve të para pas zgjedhjeve të parakohshme paralamentare të së dielës (07.07.2024), derisa aleanca e majtë kryeson kundrejt së djathtës estreme, raporton agjencia e lajmeve Reuters.

Ky konsiderohet një dëshpërim i madh për Tubimin Kombëtar (RN) të Marine Le Penit që shpresone se do të fitonte mjaftueshëm edhe në rundin e dytë sa për të formuar qeverinë e re.

Rezultatet, nëse konfirmohen, do të rezultojnë me një parlament të ndarë në tri blloqe të mëdha me platformë thellësisht të ndryshme dhe pa asnjë traditë të bashkëpunimit, paralajmëron Reuters.

Aleanca e majtë, Fronti i Ri Popullor, rreth së cilit janë mbledhur Socialistët dhe të Gjelbrit, që kaherë kanë pasur përplasje të theksuara, është parashikuar t’i fitojë ndërmjet 172 dhe 215 mandate prej 577 sa i ka Asambleja Kombëtare e Francës, bazuar në projeksionet e para të exit polleve bazuar në një mostër e vendvotimeve.

Rezultatet e para zyrtare pritet të dalin në orët e vona të së dielës, ose edhe në orët e hershme të së hënës, derisa po numërohen votat në secilën zonë zgjedhore. Reuters vlerëson se votuesit e ndëshkuan Macronin dhe aleancën e tij në pushtet për krizën e kostos së jetesës dhe për dështimin e shërbimeve publike, si dhe për shkak të politikave të sigurisë dhe të emigrantëve.

Le Peni dhe partia e saj iu përkushtuan thirrjeve që shkonin përtej bastioneve të tyre tradicionale përgjatë bregdut mesdhetar dhe në rripin verior të vendit.

Por aleanca e majtë ia doli t’ua merrte anën. Kjo besohet se ka ardhur edhe për shkak të bashkëpunimit të kufizuar të aleancës centriste të Macronit, “Bashkë” dhe së majtës, të dizajnuar të bllokonin ngjitjen e së djathtës ekstreme në pushtet.

Rivalët e Le Penit tërhoqën më shumë se 200 kandidatë nga gara në balotazh në përpjekje për të unifikuar votën anti-RN.

Kushtetuta franceze specifikon se nuk mund të ketë zgjedhje të reja parlamentare edhe një vit, andaj shkuarja në zgjedhje të reja nuk është opsion./ Reuters