Ndriçon kur ke COVID, krijohet maska që e zbulon sëmundjen në disa sekonda

Shkencëtarët në Japoni kanë krijuar një maskë të re për fytyrën e cila mund ta zbulojë COVID-in në çast: Kjo gjetje e rrallë i detyrohet një filtri të posaçëm, i cili përmban qeliza struci.

Qelizat vetë janë gjetur me antitrupa që lidhen me virusin vdekjeprurës dhe ndihmojnë në identifikimin e shpejtë te tij.

Maska u krijua nga një grup ekspertësh nën drejtimin e  kreut të Universitetit të Kiotos, Yasuhiro Tsukamoto.

Prania e Covidit në frymën që nxjerr personi i prekur nga sëmundja arrin të aktivizojë një dritë fluoreshente në maskë për të zbuluar gjurmë.

Studiuesit thonë se dhe drita LED e një smartphone mund të përdoret gjithashtu si një burim për të diktuar njollat e COVID 19 tek maska në fjalë, duke zgjeruar kështu numrin e njerëzve që mund ta përdorin këtë shpikje inovative.

Strucët janë në gjendje të prodhojnë antitrupa të ndryshëm që neutralizojnë entitetet e huaja në trup. Këto antitrupa nxirren nga vezët e strucit ose nga zogjtë të cilëve u është injektuar një formë joaktive dhe jo kërcënuese e koronavirusit, transmeton TopChannel.

Duke spërkatur antitrupat në një filtër nga një maskë e veshur, reagimi që ndodh, bën që të zbulohet nëse COVID-19 është i pranishëm. Videon mund ta ndiqni duke klikuar këtu.