Musa Hajdari garon nesër në disiplinën vrapim 800 metra

Atleti Musa Hajdari nesër do të përfaqësojë Kosovën në atletikë në disiplinën 800 metra vrapim nga ora 2:50 sipas kohës sonë lokale.

Në faqen zyrtare të Lojërave Olimpike ‘Tokio 2020’ figuron se ai do të garojë në raundin e parë për kualifikime në këtë disiplinë në mesin e 7 atletëve tjerë, nga të cilët vlen të përmendet nënkampioni i botës, keniasi Ferguson Cheruiyot Rotich, dhe Abdelatti El Guesse, marokieni i cili rangohet i pesti në botë në këtë disiplinë.

Kosova deri më tani ka fituar dy medalje të arta, të dyja në xhudo, duke e çuar numrin e të artave në Lojërat Olimpike gjithsej në 3. Distria Krasniqi doli e para në kategorinë deri 48 kilogram dhe Nora Gjakova në atë deri 57, përderisa Majlinda Kelmendi kishte bërë historinë në Rio 2016 duke e fituar këtë  medalje për herë të parë në kategorinë deri 52 kilogram po në këtë sport.