Moti në pesë ditët e ardhshme

Java e ardhshme do të karakterizohet nga masat e ngrohta të ajrit, por relativisht të paqëndrueshme në dy ditët e para, pasi që parashihen vranësira të çrregullta që vende–vende parashihen të sjellin reshje lokale shiu.

Sipas Institutit Hidrometeorologjik të Kosovës, pas ditës së martë pritet stabilizim i masave të ajrit, pasi që në fushat barike pritet rritje e ngadalshme dhe orët me diell do të jenë më shumë prezente.

Temperaturat minimale gjatë kësaj periudhe pesëditëshe do të lëvizin ndërmjet 9-14 gradë Celsius, ndërsa maksimalet e ditës parashihen të lëvizin ndërmjet 24-32 gradë Celsius.

“Kushtet bio-meteorologjike do të jenë relativisht të mira, po ashtu edhe kushtet agrometeorologjike paraqiten të mira, për shkak te prezencës së reshjeve ditëve të fundit dhe orëve me diell që do të jenë gjatë javës që po na pret. Fatkeqësisht në shumë zona, por në sipërfaqe të kufizuara kishte edhe reshje breshëri që shkaktuan dëme në shumë kultura bujqësore që u përfshinë”, thuhet në njoftimin e Institutit Hidrometeorologjik të Kosovës.

Sipas Institutit Hidrometeorologjik të Kosovës, do të fryjë erë kryesisht nga juglindja me shpejtësi 1-9m/s.