Miratohet rishikimi i buxhetit 2020
Me 72 vota pro , asnjë kundër dhe asnjë abstenim është miratuar në lexim të dytë rishikimi i buxhetit për vitin 2020.
Seanca e sotme e jashtëzakonshme e Kuvendit filloi në 11:00 të paraditës dhe në rend ishin 108 amandamente të propozuara për tu miratuar.
Ministrja e Financave, Hykmete Bajrami në seancën e Kuvendit për rishqyrtimin e buxhetit tha se buxheti i Kosovës asnjëherë nuk ka qenë në gjendje më të rëndë se tash.
“Gjendja buxhetore në vendin tonë është shumë e rëndë, asnjëherë nuk kanë qenë më keq të hyrat buxhetore me një rënie drastike”, tha Bajrami.
Tutje, Bajrami tha se në rishqyrtimin e buxhetit kanë sjellë një buxhet prej 2.6 miliardë eurosh, ndërsa të hyrat buxhetore planifikohen të jenë 1 miliarë e 788 milionë euro dhe një diskrepancë prej 800 milionë eurosh që janë marrë borxh nga emetimi i parave, huazimet e jashtme dhe të brendshme dhe të shfrytëzohet një pjesë e fondeve nga Agjensia e Privatizimit.
Bajrami: Kurrë buxhetin në gjendje më të rëndë nuk e kemi pasë
