Foto: RTK
Minatori vdes nga plagët e marra në minierë në Leposaviq
03.3.2021 - 17:54
Një minator 69-vjeçar me kombësi serbe, ka humbur jetën sot si pasojë e lëndimeve të marra gjatë punës në horizontin e tetë, në korridorin numër 801/A në minierën e Cërnacit në Leposaviq.
Lajmin e ka konfirmuar zëdhënësi i Policisë për veri, togeri Branislav Radoviq.
Minatori B.Q. ishte dërguar menjëherë në Qendrën Shëndetësore në Leposaviq dhe mjeku kujdestar konstatoi vdekjen e tij.
Prokurori ka urdhëruar që trupi të dërgohet për autopsi në Institutin e Mjekësisë Ligjore dhe i njëjti do t’i dorëzohet më pas familjarëve.
“Prokurori e ka kualifikuar çështjen si vdekje të dyshimtë derisa të përcaktohen rrethanat e vdekjes”, deklaroi Radoviq/RTV21/.