Gropat në rrugën 5 milionëshe Gjilan – Kllokot, deklarohet Hysen Durmishi

KALLXO.com ka raportuar dje për gjendjen e rrugës Kllokot-Gjilan, ku gropat përgjatë rrugës ishin mbushur me kubëza betoni. Rruga Kllokot – Gjilan është asfaltuar me shtresën e parë para disa muajve ndërsa janë shpenzuar mbi 1 milion euro deri më tani, ndërsa i gjithë projekti ka kosto mbi 5 milionë euro.

Zëvendësministri i infrastrukturës, Hysen Durmishi ka thënë se gropat janë mbushur me kubëza betoni pasi që në këtë periudhë të vitit nuk prodhohet asfalt.

Por që sipas Durmishit, kompania e ka për obligim që të sanoj të gjitha dëmet para se ta vendos pjesën e dytë të asfaltit.

“Atje ka një kompani të jashtme mbikëqyrëse tash jemi në fazën e dimrit ku nuk prodhohet asfalt, kubëzat janë vendosur si fazë emergjente për mos me pas gropa gjatë kalimit të automjeteve. Kontraktori e ka për detyrë sanimin e të gjitha dëmtimeve para se të shtroi shtresën e dytë. Dëmtimet kanë ndodhur sepse nuk është asfallt beton por operatori ekonomik e ka obligim që të kryej të gjitha sanimet para se të filloj me shtresën finale të asfaltit” – tha Durmishi.