Gjendet një trup i pajetë i një 30 vjeçari në një fshat të Prishtinës
23.7.2021 - 17:26
Një trup i pajetë është gjetur në fshatin Rimanishtë të komunës së Prishtinës, sot rreth orës 16:00.
Sipas Policisë së Kosovës, viktima është mashkull i moshës 30 vjeç.
“Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, ka thënë për KALLXO.com, Agron Borovci zëdhënës i Policisë për Rajonin e Prishtinës.