FSK shënon Ditën e Forcës

Në kazermën ‘Adem Jashari’ në Prishtinë, sot Ministria e Mbrojtjes së Republikës së Kosovës organizon ceremoninë ‘Dita e Forcës – Ushtria e Kosovës’.

Në ceremoni do të marrin pjesë Presidenti Hashim Thaçi, kryeministri në detyrë Ramush Haradinaj, ministri i Mbrojtjes Rrustem Berisha, komandanti i FSK-së, gjenerallejtënant Rrahman Rama, gjeneralë, oficerë, mysafirë, personalitete shtetërore dhe akademike.

Me fjalë tematike do të paraqiten presidenti Hashim Thaçi, kryeministri Ramush Haradinaj dhe komandanti i FSK-së, gjenerallejtënant Rrahman Rama.

Në fund të ceremonisë do të ndahen dekorata dhe mirënjohje për stafin e dalluar të Ministrisë së Mbrojtjes dhe oficerët dhe nënoficerët e dalluar të FSK-së.